Já, hún er æðisleg

Hún var einmitt að lesa nýjasta Ísaflold þegar ég kom inn úr dyrunum.  Mín hugmynd hafði verið að fara með henni út í sjoppu og kaupa ís og taka vídeo en hún var svo föst í greininni um Goldfinger að ég gat ekki haggað henni og bauð ég henni þó ýmislegt. 

Það var nú komið að því að plana framtíðina, öll árin í tugthúsinu og svo sökkvir hún sér niður í ómerkilega grein um bæjarsjórann og nöktu stelpurnar.

Ég var alveg hættur að fara á Goldfinger síðan ég fór að leggja leið mína í efra Breiðholt því þar er sko kona í lagi ólíkt þessum útjöskuðu erlendu gærum sem Gloldfinger er að bjóða.  Ég var einnig hættur að taka eftir þingmönnum og bæjarstjórum þarna sem voru með vísa kort frá sínum stofnunum og embættum og eyddu óspart, greiddu stundum fyrir mann drykk og gleði. Nei, efra Breiðholt takk og ekkert kjaftæði.

Nýjasta plottið okkar er svo frábært að ég get varla beðið með að segja ykkur frá því.  En ég ætla samt að bíða aðeins þar sem ég þarf að segja ykkur frá nokkrum kjaftasögum og einnig þarf ég að skrá vandlega allt niður sem ég og einhleypa konan í efra Breiðholti ætlum að gera saman og það sem við höfum verið að gera saman.

Konan til dæmis sem býr á hæðinni fyrir neðan okkur, ekki næstu heldur þar næstu fær reglulegar heimsóknir frá allskonar fólki. Þar eru alþingismenn sem ekki hafa setið inni og láta þeir limmósínurnar bíða bak við blokkina á meðan. Þetta eru stundum sömu limmóarnir og voru  að bíða á bak við þar næsta hús við Goldfinger. Þeir koma sem sagt beint úr Goldfinger og í skrall hérna fyrir neðan mig. Ég verð að passa að þeir sjái mig ekki og nú  nota ég Skodann minn gamla þannig að þeir þekki mig ekki á bílunum.

Þetta eitt og sér er efni í stóra glæpasögu og ég ætla ekki að segja ykkur hvað hefur verið að gerast á svölunum hjá þeim þegar frúin þar liggur næt flöt út af handriðingu gargandi og veinandi, hristist upp og niður og maður veit varla hvað maður á að halda að hún sé að gera.