Hún er æðisleg

Ég fór í kaffi til einhleypu konunnar í efra Breiðholti og hún er æðisleg. Hún er reyndar marg fráskilin og meira en það en er það ekki bara betra?

Hún allavega vill fara með mér í tugthúsið og það eina sem við eigum eftir að gera er að finna hálfan naglapakka í Byko til að stela. Síðan þurfum við að finna "litla" manninn í Byko og láta hann kæra okkur og þá verðum við fangelsuð í amk 4 ár og það ætti að nægja okkur til aðkomast á þing.

Við munum einnig aka um bæinn með afganga af dúkarúllum og örðru drasli til að gera málið allt grunsamlegra og reyna að ljúga svona hæfilega þannig að allir sannfærist um sekt okkar. 

Þetta er rosalegt plott og við munum án nokkurs vafa verða í 1. sæti á framboðslistum víða um land eftir þetta.  Alþingi er sko staður fyrir okkur og við kunnum að verða okkur úti um starfsreynslu til að tryggja okkur þingsæti og að öllum líkindum ráðherrasæti. 

En það gerist þó ekki nema við kunnum hina göfugu list að segja eitt og gera annað. Við kanski lærum það í tugthúsinu? Hver veit. Þar er mikið af úrvalsmönnum sem kunna að ljúga og stela og hvaða starfsreynsla er betri á þing en að kunna það? Maður bara spyr.

Ég er hinsvegar búinn að bjóða henni út að borða og við erum að plana æðislegt plott sem við ætlum að segja þér frá í sumar, smátt og smátt.  Ekki missa af því.

Annað eins klúður hefur aldrei verið í manna minnum og muna menn þó ýmislegt. Ekki satt?