Djöf góðr mar - toppmenn

Mikið djöfull voru þeir góðir í gömlu ríkisstjórninni mar.

Þeir sveltu gamalt fólkið, hentu sjúklingum út af spítölum, gáfu skít í laun  hjúkrunarfræðinga og létu öryrkja bara vera í endalausum málaferlum við sig. Þetta kallar maður að toppa þetta allt saman.

Við þetta sparaðist hjá okkur öllum skattborgurum gífurlegir peningar sem við  getum nú skipt á milli okkar og þvælan um að þessir snillingar megi ekki hækka eftirlaunin sín svona tífalt er alger þvæla.

Þeir mega sko hækka þau tuttugufalt og vel það og fá auk þess stór og feit  embætti í öllum bönkum og starfslokasamninga af allra hæstu gerð, stærri en Bjarni Ármanns fyrst  þeir gátu komið á svona risasparnaði fyrir okkur öll.

Góðir peningar sem við náðum af öllum aumingjunum og getum nú sameiginlega sameinast um að eyða í ökkur. Allir saman nú í að eyða peningunum sem við náðum af aumingjunum.