Hundleiðinlegt

Vinkona, vinkonu, vinkonu einhleypu konunnar í efra Breiðholti var að fá sér hund og hitti vinkonu sína á kaffihúsi þar sem hundamál bar á góma.

Er hann loðinn elskan? Já, rosalega loðinn, svona um allt og á halanum elskan.  Já, minn er líka loðinn í kringum halann. Ertu búin að fá þér hund? Já, vissirðu það eggi?  Ég fann hann á bak við öskutunnurnar í Seðlabankanum. Ég var að fara í Kolaportið og villtist þá inn undir Seðlabankann og fann minn þar. Hann er loðinn um lófana en var kastað í ruslið þegar hann datt út úr stjórninni þarna.

Já, þeir  létu alla þjóðina halda að þetta hefði verið maður sem var alltaf að hækka laun æðstu manna Seðlabankans en svo kom í ljós að þetta var bara hundur. Hann sagði mér amk að hann hefði alltaf fengið að éta hjá Davíð og líka fengið klapp.  

Já, hundurinn er tryggasti vinur mannsins elskan og maður á bara að hafa hund en ekki einhvern kall. Ég amk vil hafa þetta svona. Annars fékkég minn hund austur í sveit og hann er fínn.

En gott að sjá þig elskan og hittumst fljótt aftur. 

Hann er búinn að fá nýtt jobb og það ekkert slor. Segið svo að menn séu ekki í klíku! Og hvað er verið að skíta Framsóknarflokkinn út?

Nei, hann var sko ekki í vandræðum að fá nýtt jobb, bara skellti sér í slaginn fráfarandi formaður formannanna og launahækkari hæst launuðustu hæst vitrustu seðlabankastjóra hjá Lísu í Undralandi, þar sem raunveruleikinn er enginn og hálfvitahátturinn slær öll met. 

Að vera í undralandi og í Mattador er sko annað en að vera í okkar heimi og það er langur  biðlisti að komast í undraland og líkkistuna við Arnarhól. Þeir brosa rosalega sem komust nú í svörtu líkkistuna og ætla sko að hafa það gott  Þeir æta að fækka fundum um helming og hafa sömu laun þannig að launin í Líkkistunni í Undralandi hækki nú strax um 100% án þess að það komi í blöðunum. Hvílík snilld og hafa líkkistur þó ekki hingað til talist til sælubústaða. Það er breytt og eru nú Alsælubústaðir í Undralandi.

Bankaræningi og tilvonandi tugthúslimur stjórnaði "Mjaltavélinni"

Það er sko ekki orðið neitt grín að lesa Fréttablaðið í dag og er þá mikið sagt sagði einhleypa konan í efra Breiðholti í morgun.

Þorvaldur Gylfason sá mæti maður er að vitna í skrif Morgunblaðsins frá 4. og 10 október 2006 þar sem Framsóknarlaunahækkara Davíðs Oddssonar var lýst sem "Bankaræningja og tilvonandi Tukthúslim" og var það haft eftir Sverri Hermannssyni, fyrrverandi vini og flokksfélaga Davíðs. Félagi Davíð, ljúfar endurminningar.  Það eru engir venjulegir Framsóknarverkamenn sem Davíð velur til að sjá um launahækkanir fyrir sig.  Og nú er  nýtt bankaráð komið til skjalanna með nýjum Framsóknarmönnum??? Jú, nýir vendir sópa best og hækka mest laun Davíðs Oddssonar meira en glæpamaðurinn sbr  Mbl sem var að vinna í þessum hækkunum baki brotnu.

Það er best að klára úr kaffibollanum með einhleypu konunni en ég varð að segja ykkur frá þessu og ég hitti hana alltaf í hádeginu þannig að það er gott að spjalla og smjatta um þetta fram og til baka, fram og til baka um Davíð og glæpamennina, he he, sem hann væntanlega telur vini sína, he he. 

Flutningabíllinn sem ég mætti á dögunum var fullur af bjór og einn svona bíll getur valdið þvílíku ölæði í borginni að það hálfa (eða hálfur) væri nóg. Auk þess eyðilagið hann vegina svipað og um 1000 flólksbílar.

það er ljót sagan sem einhleypa konan í efra Breiðholti trúði mér fyrir.  Risa stór flutningabíll fór fram úr henni í Elliðárbrekkunni og hún var ekki fyrr komin uppá suðurlandsveg fyrr en hún mætt öðrum á blússandi ferð. Hvað eru menn eiginlega að pæla? Hver á vegina? Er ekki hægt að senda þessa flutningabíla með skipi til Reykjavíkur?

"Framsóknarverkamaður óskast til að hækka laun Davíðs Oddssonar um kr. 100.000 á mánuði næstu 10 árin. Þarf að draga sig út úr öðrum spillingarmálum á meðan."

"Það vantar allsstaðar Framsóknarmenn, sama hvað þeir fá mörg embætti og marga banka og mörg tryggingarfélög og mörg skipafélög. Það dugar ekkert til.  Og enn vantar Framsóknarmenn til að hækka laun Davíðs Oddssonar þar sem sá síðasti var algerlega gat slitinn og uppgefinn á spillingunni en fær vonandi nýja spillingarstöðu fljótlega" sagði vinkona vinkonu einhleypu konunnar í efra Breiðholti þegar hún leit við í eftirmiðdaginn í gær. 

 

Upp, upp, uppá fjall, uppá fjallsins brún, niður, niður, niður, niður, alveg niðurá tún. "Framsóknarflokkurinn"

Hvers vegna er alltaf verið að ljúga uppá allt og alla í þessum Framsóknarflokki. Þetta er þó eini, nákvæmlega eini flokkurinn sem sækir fram og er Framsóknarflokkur. Það er logið uppá Guðna, Jón, Halldór og ég man ekki hvern og hvern, nærri alla sem sækja fram í nafni flokksins. Hvers vegna? Ég bara spyr og enn og aftur, bara spyr?

Ég ætla að spyrja einhleypu konuna í efra Breiðholti. Læt þig vita eins fljótt og ég get. 

Fluga á vegg (FAV): "Þetta er alveg dottið úr mér. Eru 14% stýrivextir eða eru 14 blýantar í pakkanum?"

"Þetta er makalaust. Ég gleymdi að skrifa þetta hjá mér.  Eru 14% stýrivextir í landinu eða eru 14 blýantar í hverjum pakka af blýöntum.  Hvers vegna þarf Jóna skúringakona alltaf að henda gula miðanum mínum?  Ég hef alltaf skrifað skýrt og greinilega: 14% s (s fyrir stýrivexti) og 14 B (B fyrir blýanta). Þetta á ekki að ruglast og alls ekki að víxlast.  Það voru yfirleitt 15 blýantar í pakkanum en þessir nýju sérpöntuðu pakkar eru með 14 svo við förum ekki hærra með stýrivextina en það.  Það er til dæmis ómögulegt að fá blýantapakka með 8 eða 9 blýöntum og það er eins og enginn skilji að það er ómögulegt að vera að flækja þetta neitt.  Stýrivextir og fjöldi blýanta í pakka verður að vera sama talan. Ef fólk gæti til dæmis fundið blýantapakka með 2 eða 3 blýöntum þá mundu stýrivextir verða 2% eða 3%. Það er ekki flóknara en það.

Annars verð ég að skreppa í kaffi og líta aðeins niður á Lækjartorg eða Austurvöll. Það er svo gaman að sitja á Austurvelli og horfa á Alþingishúsið og hugsa til baka þegar ég ................... "

Ég held að einhleypa vinkona mín í Efra Breiðholti eigi vinkonu sem á vinkonu sem vinnur sem skúringarkona því að hún getur rakið samtöl manna fram og aftur af ólíklegustu stöðum í borginni. Hún er eins og fluga á vegg (FAV) og virðist muna allt saman. það er nákvæmlega sama hvað það er.

Þakka sjálfum sér tapið elskan

Framsóknarmenn þakka sjálfum sér tapið í kosningunum meðan aðrir leita hefnda. 

Engin leið er að vita hvort þetta tengist eitthvað blýantanögurunum í Seðlabankanum og sílaunahækkunum þeirra en allt útlit er fyrir að stjórnin sé fallin.

Ég skal ekki segja því Guðni Ágústsson sagði að hann segði að "úrslitin í kosningunum í vor væru einhver þau verstu í sögu flokksins þrátt fyrir eitt lengsta hagsældartímabil í sögu þjóðarinnar" (tilvitnun lýkur) og er þá mikið sagt.  Það má naga marga blýanta fyrir allt þetta tap og er þá ennþá meira sagt en allir blýantarnir voru einmitt nagaðir í nafni Framsóknarflokksins auk þess sem allra, allra vinsælustu launahækkanir samfélagsins hjá blýantanögurum voru í nafni Framsóknarflokksins.

En þetta sagði Guðni: ekki  og er þá engu logið.

En ég hitti einhleypu konuna í Efra Breiðholti og það gekk alveg fram af henni. Hún hafði einmitt hitt vinkonu sína úti í búð sem hafði talað við vin sinn sem var einmitt að pissa í Bankastræti 0 þegar tveir heiðursmenn voru þar í næsta bás:

 " Ertu búinn elskan? Ok., þú mátt þá renna upp klaufinni"  "Ætli nokkur sjái hvort við leiðumst aftur uppí Seðlabanka? Eða verðum við að ganga hlið við hlið án þess að leiðast elskan?, En þú hækkar þá launin um hundraðþúsundkall annars fer ég ekki aftur með þér hérna. Maður gætti hitt einhvern sem gæti þekkt mann. Þeir eru seigir hérna rónarnir. En þú ert þá kominn yfir alla hina bankastjórnarformennina á Norðurlöndum í launum elskan. Ég hélt að þú værir ekki svona dýr?  En elskan, hvort gerir þú fyrst, setur blýantinn í rassinn og nagar svo eða nagar fyrst og svo í rassinn?"  Ó elskan hættu nú, komum okkur aftur uppí banka það er búið að hella uppá kaffið hjartað mitt á efstu hæðinni og útsýnið er alveg dásamlegt. Láttu annars senda nýjar tertur þessar eru að verða 2ja tíma gamlar og láttu bursta skóna mína í leiðinni og sæktu hvítu skyrtuna mína í hreinsun,  Sí-júú og vertu fljótur elskan"

Þetta hlýtur allt að vera lygi sagið vinkona vinkonu minnar. Þetta gerir enginn. Ekki nokkur maður og allra síst Framsóknarmaður þó hann sé að sleikja blýanta úr hvaða rassi sem er, jafnvel hundsrassi. Nei, þetta er allt lygi. Ég trúi engu sem þú segir um þessar launahækkanir og spurning hvað maður trúir Guðna um að Framsókn sé að falla og falla og falla og það bara útá blýantamálið og sleikinn?. Er hann ekki að ljúga þessu? Sjúr?

 

Meiri laun, meiri laun og enn meiri laun

Þetta eru nú meiri launin sem blýantanagararnir eru farnir að fá. Er ekki hægt að skaffa þeim ókeypis blýanta?

Maður nokkur var að pissa í Bankastræti 0 og  heyrði þá á tal tveggja manna sem höfðu farið saman á klósettið:

"Viltu  endilega hafa þetta 1.969.497? Já, á síðasta ári nagaði ég um fimmtíuþúsund blýanta og ef ég dreg það frá laununum þá stendur eftir um 1.750.000 þannig að þið verðið að hækka þetta nú um ca kr. 100.000 og svo aftur kr. 100.000 og enn aftur kr. 100.000 auk þess að ef einvher launahækkun verður í samfélaginu þá fæ ég hana auka líka, eða þið eigið það á hættu að ég nagi færri blýanta eða ég fer að vinna hjá KB Banka. Ég er eftirsóknarverðasti bankastjórinn í heiminum. Nei, nei alls ekki þú verður að  halda uppi stýrivöxtunum með því að naga á fullu. Annars er ég að hætta og þú passar að naga fyrir okkur báða en annars getum við haldð áfram að hittast hérna. Það sér okkur enginn hérna sem skiptir máli í samfélaginu. Geir er þó með skrifstofu hérna við hliðina þannig að ég vona að hann fari á sitt eigið klósett enda komumst við ekki þrír hérna inn í einu. En elskan þú lofar að hitta mig hérna sem oftast"

Ég fór beint að hitta einhleypu konuna í efra Breiðholti til að segja henni alla sólarsöguna og hvílíkt ógeð þetta hafi verið þarna á klósettunum eftir því sem maðurinn sagði. það er hvergi orðinn friður fyrir þessum öfuguggum. 

 

"Mikið djöfull getur fólk kjaftað um ekki neitt" sagði hún um leið og hún fletti yfir alla bloggviteysuna eins og hún gerir reyndar á hverjum morgni. En hvað gera einhleypar konur í efra Breiðholti ekki sér til gamans? Ha Ha.

"Smáljóð er eftir þýska skáldið Heinrich Heine nefnist á frummálinu ágreiningur við starfsmann í gegnum fjölmiðla sem veldur fyrirtækinu augljóslega álitshlekkjum og er eingöngu til þess fallið að auglýsa hversu vonlaus hann er i raun og er hann að auglýsa og angrast láttu ei, mitt hjarta örlög þín þú bera skalt djöfull vorið gefur en getur verið að við lifum til þess eins að geta sagt frá sagt frá því sem við höfum gert og séð - og þess vegna sé ekkert verðmæti í því sem við ekki þekkjum er staðreyndin sú að náttúran er verðlaus en af hverju hættum við Íslendingar ekki bara að keppa í íþróttum og ættum að láta knattspyrnuna algjörlega vera sem særir stolt okkar þar sem við erum vön að vera mest  best og stærst í öllu sem við gerum við óbilandi Knattspyrnuhæfileika okkar og draga Simpsons yfir á íslensku, BIG mistake en bara einn þátt þegar þetta var reynt við Malcolm in the middle en fólk kvartaði svo mikið yfir því að þeir hættu við þetta djöfullega vandamál að stríða og Þættirnir missa algjörlega marks og verða bara hallærislegir þegar talað var við  hann lýsir viðbrögðum sænskra vina sinna varðandi ekkert nammi í hálfleik. Ég er nú hálf Spænsk og þekki þetta mentalitet = aumingjagæskuna sem veður yfir mann Þar sem eru 30 sinnum fleiri Íslendingar og enginn sigur nema ósigur" þuldi hún uppúr sér án þess að blikna.

Nei hún þarf að gera betur. það þýðir ekkert að vera með svona stæla við mig. Ég sé við því og þess vegna ætla ég ekki að koma í efra Breiðholt alveg næstu klukkutímana meðan hún er að gramsa í þessu drasli. Þetta er mjög grunsamlegt og hún er nýlega farinn að sökkva svona djúpt. Hvað á maður að gera?